सनी देओलचं नशीब फळफळलं; 'जाट' सिनेमाला प्रेक्षकांची पसंती, दुसऱ्या दिवशी केली कोट्यवधींची कमाई

‘जाट’ चित्रपटाचं बॉक्स ऑफिस कलेक्शन

अधिकृत आकडेवारीनुसार, ‘जाट’ने पहिल्या दिवशी भारतात 9.62 कोटींची कमाई केली. जर आपण सॅकनिल्कवर चित्रपटाच्या दुसऱ्या दिवसाच्या कमाईवर नजर टाकली तर रात्री 10:30 वाजेपर्यंत तो 7 कोटी रुपयांवर पोहोचला आहे. यासह, एकूण कलेक्शन 16.62 कोटी रुपयांवर पोहोचलं आहे, जे अंतिम नाही. हे आकडे आता बदलू शकतात. तरण आदर्श यांच्या ट्विटनुसार, चित्रपटाला गुरुवारी महावीर जयंतीचा लाभ मिळाला, परंतु शुक्रवारी कामाचा दिवस असल्याने त्यात घट होऊ शकते. शनिवार आणि रविवारी चित्रपटाचे कलेक्शन वाढेल. त्यांनी यासाठी बैसाखी वीकेंडचे कारण सांगितलं आणि लिहिलं की शनिवार आणि रविवारी चित्रपटाला मोठा फायदा मिळू शकतो. तसंच, सोमवारी आंबेडकर जयंतीचा चित्रपटाच्या कमाईवर सकारात्मक परिणाम होईल, असे त्यांनी सांगितलं.

दरम्यान, ‘जाट’ हा चित्रपट २०२५ चा सर्वात मोठा ओपनिंग चित्रपटच नव्हे तर ‘गदर २’ नंतर सनी देओलचा सर्वात मोठा ओपनर चित्रपटही बनला. ‘गदर २’ चा बॉक्स ऑफिसवर पहिल्या दिवसाचं कलेक्शन 40.1 कोटी रुपये होतं. या चित्रपटाने या वर्षी प्रदर्शित झालेल्या छावा (33.10 कोटी), सिकंदर (30.06 कोटी) आणि स्काय फोर्स (15.30 कोटी) या सिनेमांना सोडून 10 हून अधिक बॉलिवूड चित्रपटांचे रेकॉर्ड मोडले आहेत.